Der Umzug der Basler Schulfasnacht am vergangenen Donnerstag vom Münsterplatz via Freie Strasse, Mittlere Brücke und Rheingasse bis zum Theodorskirchplatz war ein voller Erfolg. Gut eine Stunde lang zog der farbenfrohe, mit viel Liebe gestaltete Zug an den begeisterten Zuschauern vorbei. Pia Inderbitzin als Verantwortliche für den «Schuelumzug» im Namen des Organisationskomitees sagt Danggerscheen:

D Kinder–Fasnacht kennt kai Gryyse!

Drotz Affekelti, Schnee und Byyse

Sinn d Binggis pünggtlig do zum Starte,

Zapplig könne sy kuum warte

Bis sy ändlig abmarschiere

Und stolz sich dörfe präsentiere!

Voll Liebi, bis ins Detail gnau:

E wunderbari Fasnachts-Schau!

Mir dangge do an dääre Stell

De Lehrpersone ganz speziell!

Si hänn sit Wuche nümme gschloofe,

Hänn grampft und baschtlet mit de Goofe,

Überall ischs voller Glaischter!

Dangg ghöört alle guete Gaischter!

Als Samariter, Streggeposchte,

Als Brugg–Absperrer, wo nüt koschte!

Dääne, wo bi Spyys und Drangg

Hälfe, ghöört au unsere Dangg!

De Junge Garde, Glygge, Gugge

Wänn mir vo Härze d Pfoote drugge!

De Schugger, won ys guet beroote,

Au d BVB griegt gueti Noote!

S goht nit ganz ohni e baar Frangge,

Für die dien mir im Erz.dep. dangge!

Uns hets vyl Vergniege gmacht!

Häärzligscht – s OK Schuel–Fasnacht!

Impressionen von der Schulfasnacht 2010 in der BFO-Fotogalerie