Wie haisst s Motto frogsch bitz ghemmt.
S Comité maint das Joor „s glemmt“,
doch dr Petrus maint, dasch gspunne,
glemmt hets nit, i schigg nur Sunne.

S Comité kasch vier Mool bschaue.
Duets jetz ainewääg no staue?
Fäädlet aine ganz lätz y,
gits halt Stau, de gseesches gly

S glemmt au nit am Morgestraich,
usser bisch no bitzli blaich.
S Liecht goot ab, kasch d Lampe gsee.
Danggscheen saisch de IWB

Bsunders gluegt hänn d Routelyt
und esoo basiert dert nyt.
D Retter, d Fyrweer, d Bolizei
und d Kadette hänn nit frei.

Räppli hets und aarg vyl Drägg.
D Lyt in orange putzes wägg.
Loob gits doo in heggschte Deen
und e ganz grooss Danggerscheen!

Grad d Frau Fasnacht, heersch jetz klaage,
däät is alle aadie saage.
S goot kai Joor, das isch kai Saag,
sait si wider „Guete Daag“.

S Fasnachtscomité