Fir dr Cortège zappt dr granggi Pierrot zwische de hiesige Lokalfärnseh
hin und här. Bim NW1 gseht d Moderatorin e «Stamm» verbylaufe, obwohl
numme grad zwai Dammbuure mitruesse, und wo die verainigte Dupf und
Rotstab mit dr Pfyffer-Retraite verbydefiliere, redt si vo dr
«Dagwach». Bi Telebasel, em «ainzige Basler Fasnachtsfärnseh», wott dr
Moderator s Sujet «No sports» ergläre und suecht verzwyflet dr
Churchill… Hailloos dernääbe isch au d Moderatorin in dr Bängg-Sändig.
E junge Maa ohni Larven aa stellt si vor mit: «Dr XY het grad vorhär
die Värs gsunge…» Bi so vyl Mischt wird dr Pierrot no grengger ass er s
scho isch…