In den Vorfasnachtsveranstaltungen und der Fasnacht selber, stand das Thema Baustellen in Basel ganz zuoberst auf der Sujetliste. Die Comité-Schnitzelbänggler nahmen sich dieser Thematik natürlich ebenfalls an, beherrscht wurde der Schlussabend jedoch von der Frauenquote.

Überhaupt wurden vornehmlich die lokalen Begebenheiten aufs Korn genommen, so stand die BVB und deren Direktion ganz oben auf der Bestenliste, gefolgt von Geldgierigen Regierungsvertreter beider Basel, der Reizfigur „Carlos“ dem Verkehrskonzept unseres Stadtkantons, das Coop-Bank Versand-Debakel, die Fusionsdebatte und den Degen Zwillingen. Zürich lieferte aber auch wieder einiges an Material, welches die „Färslibrinzler“ zu verarbeiten wussten. Die Sexboxen und der Polizeiskandal im Zürcher Milieu haben hierfür einen guten Teil beigetragen. Die Masseneinwanderungs-Initiative und über die Grenzen hinaus, Frau Merkel und deren Blindflug auf der Langlaufloipe sowie die N.S.A.-Affäre waren weitere immer wiederkehrende Sujets.
Der Jahrgang 2014 seitens der Comité-Bängg darf durchaus als gut, wenn nicht sogar sehr gut bezeichnet werden. Dies war jedenfalls der Tenor im direkten Umfeld meines Wirkungskreises zu spüren. Vorab die üblichen Verdächtigen, wie „dr Peperoni“, „dr Singvogel“, „dr Spitzbueb“, „dr Fäärimaa“, „Schunggebegräbnis“, „dr Schwoobekäfer“, „d Stroossewischer“, d Wanderratte“ und die hervorragenden „Schlyffstai“. Einen prima Einstieg hatte aber auch „dr Hansli Bargäld“ der frisch von der Leber weg, musikalisch lupfig zu überzeugen wusste.

Gleich drei Formationen dürfen in diesem Jahr ihren 10. Geburtstag feiern. „Dootebainli“, „d Schnaabelwetzer“ und „dr Doggter. FMH“. Sie wurden standesgemäss mit einem Silberbecher beschenkt und die Obleute des Schnitzelbangg-Comité haben sie in Versform geehrt. Die Dankesreden der Jubilare fielen dann jedoch etwas bissiger aus, als man das erwarten durfte. Wie es sich für „Schnitzelbänggler“ gehört, haben sie kein Blatt vor den Mund genommen und die Gelegenheit genutzt, dem Vorstand des Schnitzelbangg-Comités ihr Unbehagen auszudrücken. Offenkundig wehren sie sich gegen die zu restriktiven Zensurierungen seitens des Vorstandes und diese Verse waren ernst gemeint! „Doggter FMH“ seinerseits nutzte die Plattform für seine eigenen Zwecke und verband seine Honorierung mit einem Wettbewerb. Die Lachmuskeln wurden hierbei jedoch wenig strapaziert, die Sitzmuskeln jedoch umso mehr.

 Anggewegglimaitli
Ich bi d Quootefrau vo de Comité-Bängg,
Ich sing fir Eych und find s no glatt.
S git weenig Fraue, wo das mache.
Eb s ryymt oder nit, isch doch egal.

Doggter FMH
Ä Buffmuetter us Züri het e medizinischi Frog
in unserne Näschter hets so Viecher – isch das e Bettwanzeblog?
Liebi Frau s tuet mr leid – aber noch minere Diagnose
sins chlei gwagseni Zürcher Schugger in Unterhose

Dootebainli
Per Wello sinn mr uf Lugano pedaliert
Doch statt „O sole mio“ schiffts, mir sin fruschtriert
Kuum hänn dr Räägeschutz mir aa kunt d Bolizey – mir hänns nid glaubt:
Jä die Burka do, die syygi nimm erlaubt.

Dreydaagsfliege
Ych günn jo dääne arme Lüchter iire Club de Bâle
Nur dass die uns jetzt s Spiilmaa nämme, fin i e Skandal
Dä Club soll ins Rialto go und syygs au nur als Gascht
är wär dort in dr Mitti zwüsche Affehuus und Knascht.

Es trieft in jeder Zyyle vo däm Rotstablied
Jä sii, das isch e Renner dört im Oberbaselbiet
Wenn die Rammel Rinder wäre gääbti s kaini Kälber
Si maches nid gärn mitenander, si mache s lieber sälber.

Fäärimaa
Dr Hollande ersetzt, was nit alli verschtöhn
alt und verbruucht duur jung und schön
das bringt ihm nit die beschte Noote
derfüür e fantastischy Frauequoote.

Gasladärne
Hesch Du als Maa in dyne Lände s grosse Stöhne?
Denn losch Di z Ziiri in ere Box verwöhne!
Und fäält Dir s Gäld derzue, denn mach kai riise Gschrey!
Es git dert freji Stelle bi der Polizey!

 Glettyse
E schwangri Änte us em Baselland
wird die erschti Voice of Switzerland
die het nit gsunge, ganz im Vertraue
die het Wehe kaa und vor Schmärze gschraue

Hansli Bargäld
Es fahrt e grosse Bagger uff dr Autobahn,
by Brugg straift är e Brüggli, die halbi Schwyz liggt laam
Dr Wessels sait, – und lächlet – „Die chömed doch nid druus“
„Y leg ganz Basel laam, ellai vom Schrybtisch uss.

Hanslimaa
Wär jung isch stoot us Heefligkait
het friener dr Darmdiräggder gsait!
hitte bisch froo, wenn im Drämmli darfsch stoo
und dir dr Drämlidiräggter – nid z nooch duet ko!

Heiri
Y bi e topmodäärne Buur, y mach Statistik überall.
mit mym Laptop bi y up to date im Fäld und au im Stall
Mit Software blaan y d Besoomig, dass ali Chälber groote
und mit äim Muuni uf dryssig Chüe han y e super Fraueqeoote

Penetrante
Als Pabst vo de Arme, s liggt doch aifach uff der Hand,
fiert die näggscht Pilgerrais ins Baselland
Und wenn d Fusion mit Basel glinge wuurd, maint äär
spricht äär d Regierig hailig, will s e Wunder wäär.

 Peperoni
E Spitzel us Amerika
zapft e Natelnummere aa
Är loost zwai Minute zue und bevor er merggt was laufft,
het er e Versicherig und e Handyabo kaufft.

„Hier Ueli Muurer on the Phone.
Can you hear mi – Herr Spion?
Bitte hänggen si nit uff, mir tut es nämmlig gut
wenn öbber, wenn ich ammen schwätz, miir auch zuloosen tut“

Pfyffestopfer
Lothar, Sandy, Dennis und no Irene
Nuri, Morakot, Katrina und Dean,
Das sin alles Stiirm wo fäge, ihry Wucht duet alles präge
und drum heisse si au sicher niemols Däge und Däge.

Pierrot
Lägg isch dä dur die Halfpipe gschosse
mit hänn au die Schwyyzer-Medaille gnosse
numme si Namme isch e bitzeli schweer,
i ha gmaint das syg e Maschinegweer.

Schlyffstai
Melodie: Mister Sandman vo de Chordettes
Liebi Bangg Coop, schigg mir doch syns. Ych schigg ains wytter, und är hett denn mins.
S’Konto von Conti zaigt mir massige Gwynn. Eso wais-i wenigschtens, wo mini Styyre hii sin.
Ou Bangg Coop, ych dangg dir seer. Jetz wais-i zwyyfelloos: Mi Nochber hett meer.
Das isch nid schlimm, ych wird mir eppis nää. Drum hesch du mir jo syni Kontonummre gää.
Bank Coop: fir dii…. und fir mii…

Schnaabelwetzer
Dr Francois – ain vom andre Uufer – suecht dr zaalti Spass:
Dä findet äär versteggt im Dunggle an dr Utegass.
Me kunnt zer Sach, s goot rassig zue – doch dasmool isch s kai Hit
Wills neyerdings au in däm Gschäft e Frauequote git.

Är het nyt z due, hängt nur im Stuel und d Zyt goot nit verbyy
Duet Bleistift spitze, meelerle, leest Gryyzi nääbebyy
Duet Neegel bysse, Naase boore – s macht ihn dotaal schlabb:
Är schafft drum bi dr NSA und loost dr Morin ab.

Schoofsuuri
An dr WM in Katar – jä Si dasch kai Witz
muesch dr Slip au no yyse – s isch ai Fiidlehitz
S schmeggt alles no Bluet – s sinn vyyl Biezer verreggt
im Blatter däm gunn ys, wenn är d Hell scho mool schmeggt.

Schunggebegräbnis
Die wältbescht Armee mues gnadelos spaare,
s wird alles verkauft, uff null aabegfraare
fertig Füsilier, fertig Grenandier
fertig Pontonier, fertig Warteck Bier…
und git s Krieg – me schiggt sich dry –
mues dä zu Bürozyte sy!

Schwoobekäfer
Dr FIFA-Blatter Seppeli wot in sym Amt no blybe
Dr Doggter haig bestätiget in eme ghaime Schrybe:
Sy Härz kennt gar nit besser sy! – Das frait dr Sepp extrem
Dochz wär ka ihm jetzt neecher bringe: S Hirni isch s Problem

Singvogel
Do kürzlig rieft dr Hansli uss und säit: Verdelli!
D Frau Vogt im Rächne und d Frau Stämpfli in dr Relli
d Frau Lutz in Duurne und dr Frau Hubesack im Schryybe:
Me kaa die Frauequoote au überdryybe.

Spitzbueb
Dr Marus Somm isch dumm wie Schtrau
Analfabeet, das isch er au
stiilt alte Frau s Bordmenee
ych haa n en Kinder abschloo gsee,
er duet am Barfi Drooge dyyle
an Brämskaabel vo Weloo vyyle,
und isch uf Naazi-Gschichte gail!
und moorn behaupt ych s Geegedail

Stächpalme
S Miriam vom Läckerli Huus
wäiss nümm yy und wäiss nümm uus
Äs darf bald käini Waggis meh zum schaffen importiere
Zur Stroof mues jetz dr Papi halt dr Gutzidäig go riere

Stroossewischer
Jä d N.S.A.
bespitzlet gaar nit Terrorischte
sondern d Wirtschaft, s Ööl, und s Gäld und Zivilischte
und vo dr Schwyz, das wisse mir us sicherer Quelle
hän die nur s Ghaimrezäpt, vom Appezäller welle

Syydiaane
Bolytisch sott me s Baaselbiet e weeneli saniere
Vor allem dr Regierigsroot vo Grund uff renowiere
Die schaffe deerte nämlig wie Scharnier an alte Diire:
Numme wenn sii ab und zue zimpftig goosch go schmiire

Veritas-Brieder
Zwische Tooschter, Glettibrätter sin mir duur die Muba gloffe
und sin in dr Halle zwai denn uf dä Riis us Schwede droffe
Mir hän gstuunt as dä am siibni zobe no Betreuig het
well die bescht Armee gheert aigentlich denn lengtschtens scho ins Bett

 Wäägwyyser
Sie hän uns gsait mir mien die Quote jetzt erreiche
mir hän’s versuecht, doch es isch zum Hoorölsaiche
sone Wäägwyyserä, das liggt nid dinn
die Hiehner hän aifach kai Orientierigssinn!

Wanderratte
Dr Baschi Dürr, das han y eych noonig verzellt,
het sich e Google-Bild ins Büro gstellt.
Jetzt kaan er, wenn er sich e bitz duet stregge,
komplett in däm Wort verstegge
Will bi all däne Os, do kunnsch nie druff
fallt e Null derzwische iberhaupt nimm uff.

Musikalisch wussten nicht nur die Schitzelbänggler zu glänzen: Eine bravouröse Tagwacht als Einstieg ins Programm und zwei beeindruckend rassige Fasnachtsmärsche nach der Pause sorgten für die fasnachtlichen Klänge und der Abschluss des diesjährigen Comité-Schnitzelbangg-Oobe machte ein einsamer Pfeiffer, bei welchem jedoch die offenkundige Nervosität überwog.

Nach 4 Stunden grossem Theater im Theater, musste ich zwar erst einmal meine Knochen richten und mich einlaufen, der positive Eindruck dieses Schlussabends überwiegt jedoch. Ein würdiger Abschluss einer hervorzuhebenden Fasnacht 2014.