Si bringe si dert aane, wo d Glyggen am Morgestraich aafoot. Und so kemme ebben ab de säggsi zoobe Schyssdräggzigli, Grubben und groossi Pfyfferharscht vo Stammglyggen uus alle Richtige z streeme – voruus d Ladärne. (Worum ibrigens, hol’s dr Deyfel, sinn hitten allewyl weniger Lampe verglaidet?) Jä nu: Mer gniesse s «Läggerli» und sirpfle dr «Calvados» ainewääg yne bis – jä bis mer am Spalebuggel e baar Plakätli gsehn, wo zem Byspil druff stoht: «Achtung Murmeltier-Schutzgebiet, bitte kein Lärm oder pfeifen!» Das hänn ganz bsunderi Mungg gschribe, wo das Johr sälber so heerlig «pfyffe». . .