Es gibt sie noch, die Themen jenseits von Blocher, Ospel, Hingis und schwarzen Schafen. Und einigen der 13 am Schlussoobe auftretenden Formationen gelang es perfekt, solche Überraschungen aus dem Hut zu zaubern. So etwa die «Schloofkappe»:
Mym Babbe sy Handy – das find y scheen
het e GPS Navigazionssyschteem
am Moorgge frie isch s zwoor mänggmool schlimm
doo sait als das Frailain mit dr silbrige Stimm
grad woon en s Waalholz vo dr Mamme breicht
„Sie haben jetzt ihr Ziel erreicht“!

Und wenn es denn schon ein häufiges Thema sein muss, dann kann man es doch auch originell angehen. Dies beweisen die Stars des BSG-Abends: die «Gsalzene» sowie «Babberlababb»:
Dr Dragan, Zlatko, Branko, Dino und dr Sacha sinn derbyy
Goran, Mladen, Miroslav und Mirko mälde sich au glyy
Hälfe alli eerenamtligg bi dr Euro 08 mit
Will’s fyr jede wo dert schafft e Trainerhose gratis gitt

An der EURO muesch denn griechisch kenne schnuure
Rumäänisch, schweedisch, polnisch, tschechisch, do muesch duure
Doch numme d’Taxifahrer dien sich schyyns no weere
Die mien, will d’Schwyz do spiilt, jetz schwytzerdytsch go leere

Manchmal hilft auch eine Prise Anzüglichkeit, um das Publikum zu Lachstürmen zu bewegen. Den «Biezer» gelang dies mit einem Helgen, der den französischen Präsidenten mit verzücktem Gesicht zeigte – kein Wunder, denn es war angedeutet, dass sich unter seiner Schärpe einiges tat:

Dr Waggis maint: Comme-çi, comme-ça : Comme Sarkozy!
notre président isch amoureux – tant pis.
Isch’s e Blondi, isch’s e Bruni – et – voilà,
Important isch seulement, dass sie guet französisch kha.

Ein Schnitzelbangg muss aber nicht zwangsläufig zum Schenkelklopfer mutieren. Sehr behutsam gehen etwa «D’Kulturstolperi» ein ernstes Thema an:
Mir alli sotte D`Mueter Ärde wirkligg besser bschütze
Und Sy sicher nümme so Gnadelos Usnütze
Unsery Natur dörfe mir nüm länger so vernichte
Aber S`gyt ai Bush uff dä könnte mir verzichte

Und um zu den überraschenden Pointen zurückzukehren, «Dr Vogel Walther (vo dr Waid)» belebte eine Verskategorie, die man verschwunden glaubte: diejenige über das englische Königshaus:
mir Schwyyzer gwinne – wenn au nur ganz knapp
mit Alinghi der Americas-Cup
y hoff nur – s’näggscht Mool kunnt kai Änglisch Boot
das giengt in d’Hose – jo die liesten ys kai Broot
die hänn e Ghaimwaffe an Bord – nai s’isch kai Tee
die schtelle denn dr Tscharls an Bug – und hänn zwai Säägel meeh

Ganz im Gegensatz dazu befassen sich die «Runzlegyyge» mit einem neuen Schnitzelbangg-«Opfer», bei dem es aber nicht gerade leicht sei, Aussagekräftiges zu finden:
Noo eme Termin bim Gass hoggt e Fotograph vo dr BaZ
Mit de Bilder verzwyyfelt an sym Arbetsblatz
Und rieft: „Dä kasch beliechte, wie de witt
Kontuure bikunnt dä aifach nit“

Den Abschluss dieses Berichts sollen die «Rätschbääse» machen, die nebst den «Gsalzene» die schöne Tradition des Monsterverses wiederbeleben:
Doo het s numme schwaarzi Schoof, die fliege wie in Trance
es handlet sich ums Faarerfäld vo dr letschte Tour de France
alli schlugge, doppe, schmiire,
d Metoode dien variiere:
e Bille, daas macht Fraid, maint ganz cool dr Landis Floyd
Nandronol in Schnaabel, lyyselet dr Eric Zabel
e groossi wyssi Bryys, findet fies dr Biarne Ryys
yych schmegg nur an Gülle, grächzt ganz stuur dr Alex Zülle
zem Zmoorggen e Dässli Aigebluet, duet eppen au im Ullrich guet
dr Rasmussen isch au nit bleed, und isst nit numme Smörebröd
als Dopping nur Salami rieft vo oobe dr Pantani
syg s Velo, Fuessball, Tennis – s wird bschisse mee und mee
die ainzige wo nit doppe, spiile laider bim EHC.

Weitere Informationen:

Homepage Basler Schnitzelbangg Gsellschaft (mit allen Versen)