Mäntig, Zyschtig sinn no nätter,
Fasnacht machsch bi T-Shirt-Wätter,
doch am Mittwuch, s isch e Sääge,
goots no wyter trotz em Rääge.

Vor mr jetze umsverwoorge
d Costumes ändlig dien versoorge,
finde mir do gärn dr Rangg
und mr saage dausig Dangg!

D Routelyt und d IWB,
au d Kadette dien mr gsee,
d Fyyrweer, Bolizei, d Verwaltig,
d Retter: Alli schaffe gwaltig!

Grad am Mittwuch gits bitz Stau.
S Comité, das merggt das au
und es duet nit numme gaffe,
d Stauberooter sinn am schaffe.

Donnschtig ischs, de machsch kai Wangg –
scho sinn d Stroosse blitz und blangg.
D Lyt in orange sinn doch top:
Danggscheen fir dä super Job!

Und am Schluss e Treeschterli,
gang kai Joor ins Kleeschterli.
S näggscht Joor nämlig scho im Hoornig
giltet z Basel d Fasnachtsoornig!

s Fasnachts-Comite