Über 70 Formationen bänggeln in diesem Jahr durch die Baizen der Stadt. Wir beschränken uns bei dieser Mini-Auswahl auf die traditionsreichen Verbände Basler (BSG) und Verainigty Schnitzelbangg Gsellschaft (VSG) und eröffnen mit einem bösen aktuellen Vers der Aigebreetler:

Carlo Conti – CVP

bi däm foot alles a mit C

das basst, kaschs draije wie de witt:

A- oder B-klassig isch dä nit.

Politisch auch der Muffty:

Wo dr Lothar

iiber d Schwyz duet fääge

isch d Koch underem Bangg

im Bundeshuus glääge.

Si hebbt sich fescht

und macht fascht in d Hoose –

uuiii, kha dä Blocher blooose.

Dr Hans Adam vo Liechtestai

waiss nyt vo schwarzem Gäld.

Sy Ländle syg so wyss und rain –

gar s ainzig uf der Wält.

E nätte Brief list är uns vor,

drum ischem au so wohl:

«Mach Dir keine Sorgen Hans,

Dein Dr. Helmut Kohl»,

reimen d’Räppli und beim Schorsch tönts dann so:

Seeleverwandt sin mir

vom Fuess bis zue der Büüle

drumm ka-n-is au der Helmut Kohl

so noochefüüle.

Ich gsehs an mir und waiss es

uff der erschti Bligg:

ohni Spändegälder

wird me nie so digg.

D Wegglibuebe sammeln auch, aber für einen anderen Zweck:

Dr Arthur Cohn isch sehr presänt,

drumm bitte mir Eych um e Spänd

Mer sammle bis mer zämme gnigge

und dienen denn zum Gwafför schigge

S Schizo-Vreneli hat den auf Lager:

D Pippilotti, die macht vo sich e Fotti

und schiggt sy per A-Boscht

im Flavio Cotti

«Bin ich uff däm Bild

denn nit ganz e Flotti –

jo im Fall,

dass e Bundesroot fähle sotti.»

Nach den BSG-Vertretern nun ein paar Müsterli der VSG. Zuerst der Super Bebbi:

Dr Helmut Kohl, das isch e Fräche,

dä het bewiise, me ka die Dytsche bestäche.

Jetzt han ich gfroggt, was muess me rybe,

dass d Schwoobe in Zuekunft dehaime blybe?

Die restlichen stammen – in alphabetischer Reihenfolge – von den
Gryenschnäbel, den Luuszäpfe und den Nachtschwärmern:

Ych wott der Fiskus au hintergoo

und ha mer s Byschpiil

vo de Schwoobe gnoo

Schmiirgälder fliesse im Iiberfluss

ains, zwai, drey und der Kohl isch duss.

Mit Ariel und Omo wäsch ych dehai –

und d CDU machts halt in Liechtestai.

Y ha e Lottoschyn uusgfüllt, denn das isch toll,

und s ganze Kärtli isch jetzt mit Zaale voll.

Denn mergg i erscht und grieg e Schregg – ojee:

dasch d Sälbschtablääsekarte vo de IWB.

Winke Winke, Oh-Ooo, und wills so scheen isch grad nonemool

Winke Winke, Oh-Ooo,

speeteschtens jetz hesch d Nase voll.

Nit numme wäge de Teletubbies

ka dir sotigs Geplabber afo stingge,

schliesslig deents genau eso,

wenn der Haider gsehsch de Lyt zue wingge.