Bei den Comité-Schnitzelbängglern sind in diesem Jahr – ausser dem Schuuflebuur, der jetzt wieder mit von der Partie ist – die gleichen Bänggler unterwegs wie vor Jahresfrist. 24 sind es an der Zahl, und nach der ersten Trockenlese zeichnet sich ab, dass sich auch bei dem von ihnen auf die Schippe genommenen Personal kaum etwas geändert hat.
Dass die eidgenössischen Wahlen vom vergangenen Herbst ihren Niederschlag gefunden haben, versteht sich wohl von selbst. Der Singvogel etwa hat mit diesem Vers bereits am «Monster» für Gelächter gesorgt:

Der Couchepin bysst vor Wuet
ins linggi Ohr vom Blocher,
der Leuebärger brielt
und filzt im Schmid der Locher,
der Deiss liggt uff em Merz
und würgt en – s isch ai Wiete –
und d Calmy-Rey sitzt dört
und muess die Bube hiete.

Zur Abwahl von Ruth Metzler, die in verschiedenen Versionen glossiert wird, meinen etwa d Fläädermyys:

Vo Bärn noch Gümmlige
duet s Ruthli Metzler duggere
uff aimool kunnt mit Schuss
der Blocher – seht die Gluggere.
Är blinggt und wott verby,
denn huupt är säll’re Henne,

git Gas und dänggt: Du Huehn,
rächts iiberhoole muesch halt kenne.

Der Peperoni hat eher das Ganze im Auge und reimt lapidar:

Jede Mensch bruucht uf dääre Wält
Zunaigig, Liebi und nit numme Gäld.
Nur so bringt är, was in ihm stäggt. Drum schigg y jetzt uf Bärn
en SMS an Bundesroot, wo sait:
«Ych ha eych gärn».

Der Hanslimaa leitet von diesem Thema zu jenem über, das die Comité-Bänggler am meisten beschäftigt:

Der Plaitegaier het bim Couchepin regglamiert,
well dä d AHV de Hyäne zem Frass serviert.
Y froog my als Bänggler –
bi däre Moogel-Sippe:
«Wär griegt der Schnabelpryys und wär het d Vogel-Gribbe?

Zum umstrittenen Wettbewerb hier eine weitere Auswahl:

D Jury vom Comité het gsait,
es haig kai Zwägg,
mir syyge z schnulzig und sy wänn
vo uns mee Drägg!
Asso die Kritik, die finde mir zwai myys
und s näggscht Joor geemer glaub grad z Laid an Schnaabelbryys!

Stroosewischer.

Jetzt schafft der Ospel mit vyyl Gäld
dä Schnabelpryys
fir Bängg wo’s neetig hän,
wie dä do byspylswys.
Au wenn der Ospel uns
der dopplet Pryys wurd zahle:
Mir sin e SchnitzelBANGG
und nit e UBS-Filiale.
Gasladärne

Der Ospel ka mi nit verfiehre,
mii am Schnabelpryys go z produziere.
Im Geegedail, doo zaig ich d Gralle,
ych bi doch nit e Bänggler-Schnalle.
Buureregle: Klinge, klinge,
klingelingeling.
«Wes’ Brot ich ess, des’ Lied ich sing. . .
Schuuflebuur

Erheblich unter die Räder kommen auch einmal mehr die BVB, nicht nur bei den Gluggersegg. Dazu deren legendärer Top-Informant:

Der Waagefiehrer Haiggi Hayer
sait am Wettstaiplatz im Zwaier:
«s lauft im Säggser ganz verschisse,
dert wird me gschlaage,
pfätzt und bisse.

Dass es auch im «Zwaier» zuweilen gefährlich werden kann, ist inzwischen ebenso bekannt wie das Ess- und Trinkverbot. Müsterli dazu:

Jetzt sind doch Wurschtsalat,
Meloneschnitz und Honigschnitte –
syt’s Ässe dert verbotte isch –
im Drämmli nimme glitte.
Au wenn e Huffe fuettere
isch dä Entschaid e waise:
Me kennt sich bees verschlugge, wenn die allbott entglaise.
Schwoobekäfer

Mami, froggt s Biebli,
sin das Gängs wo kriege,
dass Lampe und Diire
dur d Stoose fliege?
Ischs e Spängler wo ganz ungeniert
s Altyyse vorem Huus deponiert?
Naj, so gsehts nur uss,
maints Mami zart,
wenn s Drämmli
nääbe de Schyyne fahrt.
Banggomat

Der Pierrot wiederum stellt die Verbindung zu einem weiteren Verkehrsmittel sicher und meint:

Im Drämmli kasch es grad vergässe
ebbis z dringge oder z’ässe,
aber bi der Swiss wärsch gottefroh
de wurdsch e Stiggli Brot bykoo.

E Streggenetz ganz wunzig glai
mit wenig Personal.
D Weggli wärde immer glainer –
s isch wältwyt hit normal.
Pryyse wo kai Mensch ka zahle
gheere zur Strategie.
Uns dunggt die Swiss will unbedingt
e Bijou-Airline sy.

reimen d Syydiaane und liefern das Stichwort für d Gasladärne, die sich zu einem anderen Bijou auslässt:

Jä unser Comité het au efang kai Wärt.
Äs bringt e Miniaturblagedde uf e Märt.
und machts derby genau eso
wie hüt die maischte:
Äs duet firs dopplet Gäld
nur no d Helfti laischte.

Weitere brisante Informationen zu diesem Thema liefern d Schooffsuuri:

Grad 500 Drummler
wärde hitte entloo
und 400 Pfyffer mien ändi Johr goo.
Zäh Gugge wärde «autgsorst»
an d Bloosmuusig Bärn,
d Waggis iibernimmt dängg
der Coop no so gärn.
Die jungi Garde zahlt
e Dausger Semeschtergebiir,
y sing bald elai –
die zwai andere sin z tiir.
Alti Garde und Stamm
wärde friebanggsoniert
d Syngenta uns Comité hän fusioniert.

Auch der Fäärimaa setzt auf wirtschaftliche Grundsätze und reimt:

Dursetzigsvermööge und top motiviert,
dynamisch, belaschtbar, zielorientiert.
Das muesch hüt ha und nit nur welle
wenn de der Zug no wotsch griege –
in der Passerelle.

Von ganz anderen Erfolgen berichtet s Glettyse:

Der Leuebärger mäldet stolz:
Vo Bettige bis zem Bruederholz
gäbs fir ally wo dört wohne
die erschti Schwyzer Poscht-Frey-Zone.

Und wie’s wirklich ist, lässt sich beim Singvogel nachlesen:

Y ha fir d Feerie welle
d Boscht umadressiere.
Do kasch diräggt
grad vor em Schalter go kämpiere.
Ändligg draa, sag ych zem Frollain: «Löön sy s syy,
s het sich erlediget –
d Ferie sind verbyy.»

Ferien machen offenbar auch die helvetischen Ski-Stars, zu denen dem Pierrot dieser Vers eingefallen ist:

Ob Schneefall, Sunne oder Föhn
Schyrenne sin doch aifach schön.
Und die Beschte wärde derby no rych,
aber das isch doch de Schwyzer glych.

Weiter zum Thema Sport:

Der Zuberbiehler, ihr wärdets gseh,
staigeret sich no bim FCB.

Griegt hinters Gool e Blindehund,
Dä bällt denn schynts wenn d Balle kunnt.
Gratz-Bürschtli

D Rolling Stones, d Rolling Stones
fille der Ziircher Letzigrund.
Und by uns driffsch Dryssigdausig
wenn dr FC Aarau kunnt.
Gluggersegg

Selbstverständlich bekommen auch die Basler Regierung, das Baselbiet oder die Politstars anderer Länder ihr wohlverdientes Fett ab. Dazu noch die letzten Müsterli (mehr dann in der bz vom Mittwoch):

Der Bush macht mit em Blair e Krieg um suponierti Waffe.
Der Chirac macht uff blind fir Frind,
wo fremdi Gälder raffe.
Der Schroeder het nur Schulde gmacht – by so Regierigslyt
bisch um der HaMaTschudi froh, dä macht doch sicher nyt.
Schwoobekäfer

Der Ueli Vischer hets schampar schwäär,
Sy Kasse isch laider läär.
s Glaibasel ka das gar nit fasse,
denn dert hän d Ueli volli Kasse!

d Filzluus

Vo Schönebuech uff Dittige
Zeglige – Waislige – Ittige,
denn Buebedorf, Allschwil,
Rynach, Aesch
– dert hämmer ebbys miesse ässe –
z Muttenz hän sy se ändlig gha:
Verdeggel!
jetzt hän mer die Pfannepünggt
vergässe.
Stächmugge