Einmal mehr dürfen wir feststellen, dass die Konkurrenz der
Comité-Bänggler dazugelernt hat. Vieles kommt zwar noch immer sehr einfach
gestrickt daher, deftiger und zuweilen auch zotiger, aber das Niveau steigt,
wie die kleine, nach dem Lotterie-Prinzip erfolgte Auswahl an Versen der
Basler Schnitzelbangg Gsellschaft (BSG) und der Verainigty Schnitzelbangg
Gsellschaft (VSG) zeigt.

Tutan Chamun Unterhoose
zem Flaisch e Tutan Chamun Soose.
E Tutan Chueli Bier
und Chamun Praliné.
E Tutan Chamun Brillegstell,
e Tutan Chamun Wurscht vom Bell
und e Beruegigs-Gryttertee.
Au s Trudy Gärschter findet
das Gschyss um dä Tutan wunderbaar.
Sii behauptet nämmlig
styff und fescht,
sii syg mit ihm no in d Primaar.
(d Gwäägi/VSG)

Dr Dabble Ju blyybt an der Macht,
dr Kerry häts kuum schlimmer gmacht.
Amerika steggt in der Krise,
die wurde glatt der Tschudi lease.
(Alperöösli/VSG)

Ewägg, ewägg, ewägg, ewägg.
Dass isch kai neye
Reisebüro-Wärbegägg,
au kain wo vom Wooghof
abghauen isch,
das isch dy Stutz,
wo Du im Behring gisch.
(Tourischte/VSG)

Mit 0,5 Promill ­ gischs Billijee ab
Mit eim Promill ­ machsch
uff em Velo schlapp
mit zwai Promill ­ duesch dy
e bitz verbiege
und mit drey Promill ­
kann ych wirgglig Fliege
(Super Bebbi/VSG)

Mir hätte eych do gärn e Värs
vom Hakan Yakin gsunge
doch isch uns laider bis hit zoobe
aifach kaine glunge,
denn jedesmool wenn d Ryym
und alles yywandfrey wär gsii
macht är mit sym Hii und Häär
die scheenschti Pointe hii
(D¹Fätze/VSG)

Z Ziri in däm Operehuus
ischs Gäld bekanntlig gnapp:
Trotzdäm hänn si «Nabucco» gspiilt;
das findet s Volgg so glatt.
Fir d Staare hett der Pulver glängt,
doch für kai bitzeli meh,
drum nämme si als Gfangenechor
d Fäns vom FCB
(Bajass Omega/VSG)

Basel muess spaare,
d Finanze sin knapp.
Au d Beamte fahre
uffs Spaare ganz ab
sy schaffe vo jetzt a
bis zum Jooresänd
numme no d Helfti
und spaare so 50 Prozänt.
Au d Mittagspause
mien sie jetzt vergässe:
«Mir schloofe dure statt go z Ässe»
(Aigebreetler/BSG)

Sy hogge uffenand
und lääbe sich zlaid
Die mache so lang
bis es aine nimm verdrait
Mir warte bis ain sait ­
well, uns duet das gruuse:
«Ych bii-n-e Bundesroot,
hooled mii do uuse!»
(Die Haiggle/BSG)

D Olympiade, die isch verby
fir die Arme und die Ryche.
Y gseh als unsri Schwyzer no,
wie sii durchs Zyyl dien schlyche.
Doch sotte mir au danggbar sy,
erlychteret und froh,
denn der Letscht syg geschtert z¹Nacht
gsund iiber s Zyylband koo.
(Dr Edeli/BSG)

Y bschyss als, dass sich d Brätter biege
und sauguet bin y au im Liege.
Als Groosse wott y mi zämmeraffe
fir d Basler Mäss e bitz go schaffe.
Y kennt myni Talänt yysetze
und dä Wüthrich dert ersetze.
(Schloofkappe/BSG)

Der Müller Franz vo Bad Ragaz
lauft logger ibere Bahnhofplatz.
Är froggt sich, wo find ych hit Schloof
im Euler oder Schwyzerhoof?
Do pletzlig bimmelets
und lärmt vo alle Sytte ­
Jetzt liggt är im Spital,
statt inere Hotelsuite
(Weggli-Buebe/BSG)

Ich bi dr Schorsch vom Haafebeggi II
e Vertrag vom Haafe liggt by mir dehai.
Ych sett Diräggter wärde,
well me kaine hett
nur waiss y nitt
ebb d Frau d Personeschifffahrt wett.
(Dr Schorsch/BSG)

So, das wärs. Mehr über die Bänggler der beiden
Schnitzelbangg-Gesellschaften gibt es später ­ nach ihren jeweiligen
Schlussööbe ­ in dieser Zeitung nachzulesen.

Weitere Informationen:

bz-Berichterstattung
Fasnacht 2005