Die Schnitzelbänggler sind am Drücker. Rund 60 «Einheiten» sind alleine bei den «offiziell» aktiven Gesellschaften gemeldet. Mit den «Wilden» und den beim «Comité 2000» registrierten Formationen sind es wohl gegen 80 Einzelmasken und Gruppierungen, die in diesem Jahr durch Schnee und Pflotsch von Beiz zu Beiz hetzen. Sie alle verdienen dafür Bewunderung, selbst wenn ihre Verse nicht in jedem Fall alle zum Lachen oder zumindest zum Schmunzeln bringen.
Bref: Das grosse Angebot hat auch Auswirkungen auf die bz-liche «Trockenlese», die zwar immer noch keinen Anspruch auf Vollständigkeit erhebt, aber auch nicht mehr nur fast exklusiv Verse der Comité-Bänggler widergibt. Deren Auftritt im Theater Basel werden wir aber morgen – wie gewohnt – separat würdigen.
Nun aber zu den Themen und zur vielzitierten Bussenordnung, welche in der Sujet-Hitparade einen der vordersten Plätze einnimmt.
Sottsch au no grad der Schysser haa,
denn brennsch no-n-e Zwanzger supplement!
Jetzt geehn mr, sunnscht mien mir e Achzger bringe,
will mer z lang am glyche Ort dien singe.
Banggomat CSB*
«Hesch gwüsst, dass sy die neuje Buesse grad kassiere?»
Sait my Frau. Die duet my total irritiere.
Sy sait: «Wenn noochhär uss der Baiz kunnsch, heschs begriffe,
no kunnts saudüür wenn wiider duesch an Egge schiffe.»
Dr Schorsch BSG*
Friehner het e Raiber fir en aifache Raub
ebbe zäh Johr Gfängnis gfasst – mit Verlaub!
Hit gnaagsch wägere Parggbuess, s isch e Fluech,
fir der Räscht vom Lääbe am Hungerduech!
Hanslimaa CSB
Mir mache jetzt e Spändenuffruef, kemme mit em Huet.
E Fränggli oder zwai vo jedem – sinn sy doch so guet.
Das Gäld isch fir e guete Zwägg; s goht an en arme Maa,
wo vorusse brinzlet het und d Buess nit zahle kaa.
Schuumschleger BFB*
Auch gesundheitliche Probleme beschäftigen die Bänkler:
Was alli wisse sotte:
Fasnachtskiechli sin verbotte,
denn die hänn, das waiss me hitte,
dr Fynstaubgränzwärt iberschritte.
Buschdrummle CSB
Do lig ych bym Zahnarzt mit digge Bagge.
Denn nimmt dä Hammer und Maissel us der Jagge
und sait ze miir mit hämischem Lache:
Waisch y sott kai Fynstaub mache!
Dr Superbebbi BFB
Fir d Spitzemedizin solls nur no ai Standort gäh.
Und Ziircher wänn dä für sich in Aaspruch näh.
Sii dien my Mainig sicher daile:
Au Spitzemedizin ka kai Ziircher haile.
Diagnose: D Bluetegel dien sich nit drum rysse,
freiwillig e Ziircher z bisse.
Doggter FMH CSB
D Finanze am Theater wärde knapp.
Me mungglet s stärb e Sparte vellig ab.
Dr Delnon sait: «Mir mien der Schwaanesee vom Spielplan nää.
Y ka de Schwän kai Tamiflu meh gää.
Fäägnäscht CSB
Jetzt isch die Vogelgrippe definitiv im Weschte
und duet doodermit Europa voll verpeschte.
Doch uns Schwyzer ka das iiberhaupt nit steere –
well mir zum Gligg jo gar nit zu Europa gheere.
Die Lange Naaase CSB
S Hildy, das vo Hölschte, schreyt: «He nai – ych glaub ych spinn.
Du Max, was machsch du mit de Hüehner i mym Büro drinn?»
«Uff Vire prüefe wott y se, die grosse und die chlyne,
nur göh die chaibe Vycher nit ins PC-Laufwärgg yne.»
Schnabelwetzer CSB
Nach diesem «Ausflug» in die weite Welt nun aber wieder zurück zu den lokalen Themen, die glücklicherweise keiner weiteren Erklärungen bedürfen. Höchstens die, dass auch in diesem Jahr der Running-Gag der Gluggersegg (CSB) nicht fehlen darf.
Dr Waagefiehrer Haiggi Hayer
funggt dr Leitstell us sym Zwaier,
dass är vor Angscht nimm fahre kaa.
‘s haig e Combino hindedraa.
Im Nohverkehr mit Saver Sex do froggt sich mängge Maa,
ob är däm BVB-Kondom au wirgglig traue kaa.
Nach em letschte Briefigsbricht isch es gar e Bschiss,
denn si hänn wie d Combinos scho do und dört e Riss.
Bajass & Omega VSG*
Nach dr Ent-Zanolarisierigs-Phase
gheyt die näggschti, d Saskia Frei, uff d Naase.
Dass es Fraue bruucht, hänn mir mitbikoo –
und ihre Maa, dä waiss au ganz gnau wo.
Fäärimaa CSB
Der Pudel Ralph spiilt mit em Boxer Eva umme.
Dr Afghan Babsi sait zum Baschter Guy: «Du Dumme.»
Der Windhund Christoph und dr Schnautzer Carlo drybes bunt
und sinn so froh, dass nit der Pitbull Saskia kunnt.
Die Penetrante CSB
Jetzt goht der Jögge Schild uff Bärn und zwor olympisch.
Mir löhn en goh, will är no fit fir neij Gimp isch.
Im Unterschiid zem Ospel, wo mer au löhn goh,
darf der Jögge aber allewyl au wiider koo.
Singvogel CSB
Guete Oobe Herr Vasella.
Hänn si no meh vo Basel wella?
‘s Härzstigg mit dr Mittlere Brugg
kunnt grad wiider vom Behring zrugg.
Budget-Pierrot CSB
Äxgysi liebi Ziircher firs johrelang Laid.
Ihr butzet bi Pisa, das isch mer e Fraid.
Drum bin y au sicher, s wird e gscheyte Grund gää,
ass dr Santiglaus kain uff sy Schoos sotti nää.
Schooffsuuri CSB
Z Basel kaa me wiider wohne.
Es git scho so Begeegnigszoone.
Dert kaasch gratis s Wisse mehre,
kasch Türkisch und Albanisch lehre.
Buurereegle: Und d Binggis lehre – dasch no cool –
Hauchdeutsch in der Heefelischuul
Schuuflebuur CSB
Will die vo Lieschtel hälfe Basel finanziere,
dien mir uns by der Wasserfalle revanchiere.
Jä, mir sinn ähnlig generöös, so länggts wohrschynli
fir knapp fünf Meter Sail und fir e halbs Kabynli.
Singvogel CSB
Wär stoht dört ääne, wäreli wär?
Dört äne am Bärgli stoht voll dr Bär.
Y schiess e Foti, dä luegt ruehig zue.
Dehai rieft d Frau: «Otti, dä Bär isch e Kueh.
Dr Augenarzt maint unumwunde
die Kueh hett dir e Bär uffbunde.
Stächpalme CSB
D Tamara Wernli goht uff Bsuech uff Rieche uuse,
zue däm, wo us Brodäscht im Baum duet nordisch pfuuse.
Dä froggt, wo sii so gschwind der Baum duet uffe gramsle:
«Jä sinn jetzt Sii e sone gschützti Wasseramsle?»
d Zahnstocher CSB
Den ultimativen Schlusspunkt unter diese – aus Spargründen eher rudimentär ausgefallene – «Trockenlesung» setzen hier D’Räppli der jubilierenden Verainigty Schnitzelbangg Gsellschaft.
Wotsch vom Amt e Usskunft ha; denn wartsch dert zwei, drei Stund
bis ebber total aabegrampft zue Dir an Schalter kunnt.
Denn s halbe Personal vo allne Basler Departemänt
schlycht durch d Stadt und bättlet in de Gschäfter um Prozänt.
*Comité Schnitzelbänk (CSB), Basler Schnitzelbangg-Gsellschaft (BSG),
Verainigty Schnitzelbangg Gsellschaft (VSG), Bängg fir Basel (BFB),
Bebbi Bängg (BB).
