Es ist die schöne Art, Schnitzelbänke zu hören: In einem kleinen, gemütlichen Rahmen bei einem Glas Wein und kleinen, kulinarischen Köstlichkeiten. So bot es die BSG auch dieses Jahr wieder auf sechs Schiffsdecks. Die einzelnen Formationen zogen von Deck zu Deck und brachten ihre besten Verse; das Ganze untermalt von einem fasnächtlichen Rahmenprogramm.
Rauche deerfsch – mir finde s dr Waan
Iberhaupt nimm in dr Yysebaan
Im Drämmli derfsch nid ässe und dringge
Si uns duet das schuurig schtingge
S neggscht wo die verbiete sotte
Verbot iifiere isch verbote
So thematisierten die «Bebbi-Buebe» das Hauptsujet dieser Fasnacht und auch der BSG-Bängge. Und auch den «Babberlabab», einem neuen Bangg der BSG, missfiel die Reglementierei:
Im Zuug ae Syygarette rauche kasch vergässe
Muesch warte oder Niggotyynkaugummi frässe
E dritti Meegligkait waen mir eich nit verschwyyge
Kasch zum Rauche schnäll bim Stromuusfall uusstyyge
Daneben gab es auch viel Sportliches, wobei vor allem Murat Yakin schwer «dran» kam – so etwa beim unverwüstlichen (über 80 Jahre alten!) «Edeli»
Iirem „Zubi“ haig me Unrächt tue
hett sy Frau doo letschthii zwängt
Me saag anstatt dr Ball verwitscht
haig äär drnääbe g’längt
Sii kenn das aifach nit verstoo
sy wuurd‘ s jo als erlääbe
wenn äär als mit re zämme syyg
no läng er nie drnääbe
Es müssen aber nicht immer Missstände sein, welche in den Versen angeprangert werden, manchmal kann man sich auch freuen. Der «Schorsch» tut das auf seine Art über das Erreichen der WM durch die Schweiz:
Bevor ich d Schruube mach due ich no „Schpinnsch Hösch“ lalle
Wo mir dä Türgg z mittst uff dr Brugg duet aini knalle
Nur welli zue nem gsait ha … also das vermueti
Ich wünsch dr denn für d WM z Dütschland alles gueti
Überhaupt der «Schorsch»: Nach 55 Jahren «Bänggeln» hängt er nun den Helgenständer an den berühmten Nagel. Standing Ovations verfolgten ihn wie auf der Route so auch auf den Schiffsdecks des «Schlussobe». Verse wie die folgenden werden uns allen fehlen:
Syt zwai Moonet hat ich bständig nur gschtudiert
Wye so het jetz dä Elten Tschon e so pressiert
Jetz ha nis duss und waiss jetz au dr woori Grund
An synere diggi a isch Zyt dass s Buschi kunnt
Ich bi Yglaade gsi … do muess me aifach go
Zum Chris von Rohr an syny erschti Leyt Neid Scho
Und dörte fallt mr uff dä Spruch grad über sym Tisch
„Wär kai Hirni het … dä zeigt halt … was er isch“
Dr alti Papscht isch wye ne Brueder gsi für mii
Und jetz dr Benediggt … dä sait mir wiider … Sii
Jä guet will är mi Fründschaft numm isch das kai Drama
No wird halt jetz my neuje Fründ … dr Dalei Lama
Potentielle Nachfolger stehen aber bereit. So die «Gsalzene», die schon seit Jahren mit ihrem Montsrevers zur Melodie des «Kriminaltango» brillieren:
Syg nätt zue Deppe mit Beschwärde
Si kennte Dini Chefe wärde
Dangg dämm Vrhalte sin so Horde
Wie d‘ Amis zuenre Wältmacht worde
Dä Grundsatz hämmer iibersprunge
Letscht Joor e Värs vom George Bush gsunge
D‘ Konsequänze hämmer gspyyrt
Dr CIA hett uns entfyyrt
D‘ Amis hänn gsait:“ Eych Terrorischte
Dien mir dr kranki Kopf uusmischte
Drzue erniidrige und zwinge
Im Musikantestadel z‘ singe
Und wehret Ir Eych, dert mitzmache
Wisse mir no schlimmri Sache
Denn gitts zer Stroof fyr eyer Gfasel
No 4 Stund Bängg vom Tele Basel!
Bim Ghaimdienst gilt syt vyllne Joor
Dr Bush gitt’s gaischtig Niveau vor
Drumm dien mir zem Eych integriere
Dreiviertel Hirni ambutiere!“
Jetz kennet Ir nimm gradus dängge
Mir dien Eych drumm s‘ Vertraue schängge
Und Agente bresentiere
Wo fyr uns d‘ Schwyz usspioniere
E Topagent haisst Benny Turnheer
Dämm si Gschwätz wirggd wiene Sturmgweer
Er paggd si Gegner – nimmt en duure
Und duet in kampfunfähig schnuure
Dr Malama die winzig Boone
Duet sich fyr CIA-Zwägg loone
Mir nutze drumm dä glai Spion
Als Abheergrät im Delifon
Dr Felix Moppert 007
Hett fyr uns Striplokal betriibe
Bim Yysatz Fraue eng beschattet
Und schynt’s zer Tarnig au begattet
Die Situation kennt eskaliere
Wie sotti d‘ Schwyyz druff reagiere?
S gitt nur ai Wäg us däre Noot:
Die Gsalzene in Bundesroot!
Dr Felix Moppert 007
Hett fyr uns Striplokal betriibe
Bim Yysatz Fraue eng beschattet
Und schynt’s zer Tarnig au begattet
Die Situation kennt eskaliere
Wie sotti d‘ Schwyyz druff reagiere?
S gitt nur ai Wäg us däre Noot:
Die Gsalzene in Bundesroot!
Zumindest zu den kommenden Staren gehören die «Verlumpte», welche bissige Verse mit einer melodiösen Höchstleistung verbinden:
Dr iranisch Bresidänt duet beeses saage
Und denn jublet s Volgg me ka s kuum no verdraage
Klar dass so ebbis bi uns uff kai Fall goot
Usser s loosi ebber uff e Bundesroot
Manche Bängge finden auch ganz ausgefallene Sujets, so wie die «Haiggle» beim Schweizer Fernsehen:
E Braitbild-Färnsee hänn miir poschtet
Dr Breitscht, dää wo am maischte koschtet
Dehaim mergge miir, dä Kauf isch fir d Katz
Denn dää Tisch vo dr Daagesschau het immer noo kai Platz
Mit dem anschliessenden Kehruus endete die Fasnacht 2006 für die aktiven BSG-Bänggler schliesslich endgültig. Und das Warten begann auf die nächste Fasnacht und den 87. Schlussoobe der Basler Schnitzelbangg Gsellschaft vom 3. März 2007.
Weitere Informationen:
Homepage der Basler Schnitzelbangg Gsellschaft
