Es sinn der Unggle und sy achtjährige Nöövöö. Dä het s allererscht Mool zämme mit em Unggle und däm syne vier Dambuurekolleege derfe dr Ändstraich drummle. Stolz isch dr Glai druff, ass ihm drey Dääg d Strooss gheert het. Was haisst ihm? Nai, au dr Pfyfferprimadonna, em Waageruech, em GuggeSchränzer, dr Ainzelmasgge. Em Chemiediräggter, em Arbetsloose. Em Behinderte, em Balz Meriaa vom Gymmeli eeben esoo wie em Yazgül Yildirim uus em Bläsischuelhuus. Aifach heerlig! In däm Sinn Aadie bis zem 11. Hornig 2008.